LITERATURIA 2016
EUSKAL LETREN PLAZA ZARAUTZEN

 

MAIATZAREN 19AN (OSTEGUNA)

19:30 – Noite galega. Luntxa eta Sarrionaindiaren poemen errezitaldia, Isaac Xubin poeta galiziarrarekin. Haren ondoren,  Jose Luis Otamendi eta Jon Benito ere arituko dira. San Pelaioko Iñurritza Sozietatean.

Con gume de folla húmida/Aizkorak zorroztu. Ahazturaren aurka, bidaia egoera eta egonaldi gisa, beti atzerritar den nortasuna, mugimendua etengabeko ikasketa eta errepikapenaren hazia da, aizkorak zorrozteko modu bakarra.

 

MAIATZAREN 20AN (OSTIRALA)

19:30 – Irekiera-hitzaldia: Larruaren kodea, Miren Agur Meaberen eskutik. Dena ez da larruaren gozagarri izango ordea… Modelo aretoan.

 

Jarraian – Ene maite kuttun guztiak. Modelo aretoan. 3 euro.

Anne Sextonen poema zirraragarriak hitzez, gorputzez eta soinuz jantziko dituzte Harkaitz Cano idazle eta poemen itzultzaileak, Ainara Gurrutxaga aktoreak eta Iban Urizar Amorante musikariak.

 

MAIATZAREN 21EAN (LARUNBATA)

Liburu azoka Musika plazan, 10:30etatik 14:00etara eta 17:00etatik 20:00etara.

Goizez eta arratsaldez, liburu aurkezpenak Garoa liburu dendan.

 

10:00 – 12:30 – Poesia-bideoak euskaratzeko eta azpititulatzeko tailerra, EIZIEren eskutik, udaletxean. Doan. Izena aurretik eman behar da telefonoz 639563502 (Yoseba), edo e-mail bidez, literaturia.zarautzen@gmail.com

 

12:30 – Isabel Iturberen bizitza eta heriotza (Estreinaldia) . Modelo aretoan. Doan.

 Isabel Iturbe antxotarraren bizitzaren eta heriotzaren kontakizuna. Fikzioa, errealitatea, poesia eta musika ITU Bandaren eta Kaluse taldearen eskutik.

 

Jarraian – Tailerrean azpititulatutako bideoen emanaldia,Bego Montoriok eta Garazi Arrulak aurkeztua, Modelo aretoan. Doan.

 

17:00 – Mr. Señora (Estreinaldia), Modelo aretoan. 3 euro.

Oier Guillanek Txalapartarekin argitaratutako liburuko testuak oinarri, teatro-errezitaldi dramatizatua eskainiko du Metrokuadrokak. Aktoreak: Ainhoa Alberdi, Amaia Corral, Joseba Roldan eta Oier Guillan.

 

20:00 – Ruper Ordorikaren kontzertu intimoa, Modelo aretoan. 8 euro.

Ahots bereziak, hitzen kalitateak eta doinu landuek definitzen dute Ruperren musika. Literaturian, era biluzian arituko da, ahots eta gitarra soilez.

 

 

MAIATZAREN 22 AN (IGANDEA)

Liburu azoka Musika plazan, 10:30etatik 14:00etara.

 

11:00 – Ekhiñe Eizagirreren Alde erantzira nabil poesia-liburuaren errezitaldia, Ekhiñeren lagunen eskutik, Musika Plazan.

 

12:00 – Solasaldia,  Modelo aretoan. 3 euro.

Eider Rodriguez eta Kirmen Uribe, larruaz eta hitzez arituko dira solasean, Goizalde Landabasorekin batera.

 

Jarraian - Egun on, Pyongyang ikus-entzunezkoa, Francisco Escudero Musika kontserbatorioko musikarien zuzeneko emanaldian, Modelo aretoan.

 

17:00 – Apaxi ipuin-kontalaria: Santa Marinako jai-batzordeak antolatuta.

 

17:00 – Beñat Axiari eta Joseba Irazoki, Modelo aretoan. 3 euro.

Maitiak galdegin zautan. Oilo-ipurdia jartzeko moduko saioa eskainiko dute Beñat Axiarik eta Joseba Irazokik, osagai hauekin: kantu tradizionalak, berriagoak eta inprobisazioren bat, irakurketekin.

 

19:00 – Nork hil du Andoni Egaña? komikia oinarri hartuta, emanaldia eskainiko dute Xabi Paya eta Patxi Gallego egileek. Andoni Egaña eta Fredi Paiak bertsotan egingo dute. 3 euro.

 

Emanaldietarako sarrerak Modeloko leihatilan egongo dira salgai, emanaldia hasi baino ordubete lehenagotik. Une horretan izango den emanaldirako sarrerez gain, hurrengoetarako sarrerak aurrez erosteko aukera egongo da, Ruper Ordorikaren kontzerturako izan ezik.

Ruperren kontzerturako sarrerak emanaldia hasi baino ordubete lehenago (hau da, 19etan) jarriko dira salgai Modeloko leihatilan, eta pertsona bakoitzak gehienez bi sarrera erosteko aukera izango du. Kontzertura joan nahi duten guztiek sarrera eskuratzeko aukera izatea lortu nahi dugu horrekin.